شيرين رضا عن زفاف إبنتها :"معندناش أفراح، مصاريف كتير عشان ليلة واحدة؟!"

كشفت الفنانة شيرين رضا، عن تفاصيل موعد زفاف إبنتها نور عمرو دياب، مؤكدة أنها لن يكون لها حفل زفاف.

وقالت شيرين رضا في لقاء مع ET بالعربي إنها لا تنوي إقامة حفل زفاف لابنتها، رغم أنها ابنة عمرو دياب أيضا الذي أحيا أشهر حفلات الزفاف في الوطن العربي.

وأضافت "احنا معندناش الأفراح، لأن احنا لا نؤمن بهذه الأشياء، أنا عمري ما لبست فستان فرح، لبست في التمثيل ولكن في الحقيقة لا، كل واحد حر يعمل اللي هو عاوزة وهي وأنا متربتش كده، دي أفكار شخصية وعقول أنا بشوف أن الحفلة الكبيرة فلوسها كتير أوي ليه هما ميستمتعوش بالحاجات دي أفضل يسافروا بيها، ليه فستان الفرح والقاعة والمصاريف الكتير دي، كل دا علشان ليلة واحدة".

كما أضافت أن ابنتها أيضا ترفض إقامة حفل زفاف، لكنها لم تستقر حتى الآن على شكل وطريقة الاحتفال، مضيفة "أنا عمري ما كنت عاوزة أعملها فرح، هشوف لسه الاحتفال إزاي المهم إن هي وجوزها وأهله وأهلها وأصدقاؤهم المقربون يفرحوا مش نعزم ناس شفناهم السنة اللي فاتت والسنة اللي قبلها علشان ميزعلوش وييجوا وينتقدونا دا مش هيحصل أبدا".