رضا عبدالعال يعلنها : مصطفى شلبى أهلاوى وكان أمنيته يلعب للأهلي وده مش ذنبه

قال رضا عبد العال نجم الأهلي والزمالك السابق إن مصطفى شلبي جناح فريق الزمالك هو مشجع اهلاوى , والله اهلاوى , لكنه الان يلعب للزمالك و يحتاج للدعم الجماهيري الابيض  من أجل التألق.
وقال رضا في تصريحات إذاعية صباح اليوم السبت في برنامج "طويلة وعالية" مع هاني حتحوت عبر إذاعة الشباب والرياضة  "جمهور الزمالك فكرني لما كنت بتخانق معاهم أقولهم حسين السيد اللي هيلعب مش نادر السيد ولا أيمن طاهر ولازم تدعموه، وكانوا وقتها بيشجعوا اللاعب اللي موجود على الدكة، وده كان بيسبب إحباط لحسين السيد".
وأضاف "انت بتشتم مصطفى شلبي من قبل ما يبدأ الماتش، هيلعب  ازاي؟، هو أهلاوي وكان هيروح الأهلي وده مش ذنب، ما في لعيبة زملكاوية في الأهلي والعكس صحيح".
واختتم رضا عبد العال تصريحاته "يجب على جمهور الزمالك أن يحتوي مصطفى شلبي، علشان لو راح حتة تانية هيندمكم"