"أمهات مصر": أولياء الأمور يعانون من غلاء أسعار "الشنط المدرسية"

قالت عبير أحمد، مؤسس اتحاد أمهات مصر للنهوض بالتعليم، إن عدد كبير من أولياء الأمور اضطروا إلي عدم شراء شنط مدرسية جديدة لأبنائهم، وذلك بسبب ارتفاع أسعارها مع قرب العام الدراسي الجديد.

وأضافت أحمد أن هناك إحدى الأمهات قامت بصنع شنطة كروشية صغيرة للدروس كتجربة ونجحت في صنعها، موضحة أنها قررت عمل شنطة أخري كبيرة للمدرسة بسبب غلاء الأسعار.

وناشدت مؤسسة اتحاد أمهات مصر للنهوض بالتعليم تجار الشنط بتخفيض الاسعار وعدم المغالاة في الشنط المدرسية مراعاة لظروف أولياء الأمور، وموجه حديثها لأولياء الأمور قائلة: "متركزوش اوي علي الماركات واشتروا الشنط بالأسعار اللي تناسبكم".

و قالت ولي أمر : "بنجيب شنطة Bz وبتقعد معانه سنتين"، وأضافت أخري :"هظبط بتوع السنه اللي فاتت هنجيب منين يعني"، وأستكملت أخري :"جبت السنه اللي فاتت شنط 3m الواحده كانت ب 750 وكويسين زي ما هما هغسلهم بس وهيروحوا السنه ديه بيهم".

وأضافت ولي أمر أخري: "بنتي راحت k.g 1.2 بنفس الشنطه، وقبلها سنه في الحضانه وكنت مكلماها واقتنعت إن شنطتها كويسه وتروح بيها عادي السنه دي، لسه هاجيب شنطه وهاشتري لأخوها لأني مش ضامنه الأسعار السنه اللي جايه هاجيبهاله واشيلها، وأقل شنطه تعمل من 300 وانتي طالعه، مايهمش السعر قد ما هاحب اجيب شنطه متينه وظهرها مريح اولا ومش مهم بالنسبالي تبقي براند المهم تبقي ماتريال قويه وتستحمل"، وتابعت أخري: "بجيبها active عشان تعيش والحمد لله عايشة بقالها سنتين، وإن شاء الله مش هشتري السنة دي غير لو لقيت عرض كويس".