تعرف على .. 15 ميزة للقب "عانس" !

قبل أن تتوارى خجلا عن الأنظار  من جارتك التي ترمقك دوما بنظرات الشفقة لأنك لم تفوزي بعريس الغفلة حتى الآن.. وقبل أن تستائي من سؤالها المعتاد الذى أرهق قلبك وصدع رأسك "هوا انتى ليه ماتجوزتيش لحد دلوقتى " اتركيها تخبط رأسها في أكبر حيط وانزعي عباءة السلبيات والعيوب التي  أوقعنا بها هذا المجتمع بموروثاته ومعتقداته الخاطئة والشكلية للقب عانس.. وتعالى نفكر سويا في مميزات العنوسة ..فلكل حالة في هذا العالم مميزات كما لها عيوب حتى لو كانت الحالة "متزوجة "..ولكن نحن الذى نحصر أنفسنا دائما في براثن الجهل  وحوافر الموروثات والتقاليد غير المباحة..

أحلى عانس

لذا تقدم د.نيفين عبد الجليل استشاري صحة نفسية وارشاد أسرى15 ميزة لمن لم تتزوج حتى الآن وتقول لها افرحي لأنك أحلى "عانس " ومن أهم مميزات العنوسة :

 1- الصحيان والنوم في مواعيد محددة و بانتظام أو غير محددة زي ما تحبى

2-  عيد ميلادك مع أصحابك و عيلتك حيكون مثل جميل للطفولة المشردة

 3- كل الأطفال ولادك

4-  اللي يقولك يا مدام مش حد وحش دي بشرة خير

5-  اللي يقولك يا آنسه افرحي دا حد صادق وشايف روح الطفله اللى جواكي

 6- حتكتشفى فى لحظة جميلة قدراتك الخارقه على الحياه بمرونة يعنى حتبقى جاره و صديقة و ام بديلة و قياده و كفاءه على حسب  اللى حواليكى حتكيفى نفسك

7-  وعيك حيزيد حتعرفى ان الجواز جزء من كل الحياه هو ربنا خلقها كدا أجزاء حتعيشى كل الأجزاء

 8- اللى  حيبصلك على ان ناقصك حاجه حيصعب عليكى أصل تفكيره ضيق اوى

9-  حتعرفى ازمة اللى حواليكى من نظرتهم ليكى اللى تقولك يا عينى متجوزتيش أعرفى أنها بتحاول تلاقى ميزه فى جوازها 

10- و اللى تقولك أصلك لازم تكونى ام اتفقنا ان كل الولاد ولادك

11- اللى حياته طبيعية حيشوفك طبيعية

12- حتعرفى اللى بيحبك لما تلاقيه فرحان لفرحك بحياتك سواء اتجوزتى او متجوزتيش – افرحى بحياتك.

13- حتفرحى كل يوم بصداقه جديدة – بمعلومة جديدة بفسحة او رحلة جديدة– اتعلمى و ادرسى و انجحى.

 14- اختيارك لزوج المستقبل حيبقى مختلف عن اى حد لأنك مش فارق معاكى كدا فرحانه و كدا فرحانه لو مش مناسب ميلزمكيش  و لو مناسب و حبيتيه خير و بركه.

 15- اه حبتيه مستغربه ليه على فكرة انتى من حقك تحبى و من حقك تقولى لأ لو محبتيش

وأخيرا اعملى عزيزتى إن ربنا خلقك فى أحسن تقويم و أوجدك على الارض ووجودك فى الحياه رسالة كبيرة استغليها حتعيشى أميره حتى لو من غير فارس .