أحمد عيد مهاجما حكام مباراة الزمالك والبنك الأهلي: "والله مفيش فايدة"

 شن أحمد عيد عبدالملك، نجم النادي الأهلي السابق، هجومًا لاذعًا على التحكيم المصري، بسبب مباراة الفريق الأبيض أمام البنك الأهلي.

وتعادل الزمالك مع البنك الأهلي، أمس الإثنين، بهدفين لكل فريق، في المباراة التي جمعت بينهما على استاد القاهرة الدولي، في الجولة الرابعة من مرحلة الحسم في بطولة الدوري المصري الممتاز.

وكتب أحمد عيد عبدالملك عبر حسابه على «فسبوك»: «في الكرة الزمالك مجاش، وفي التحكيم التفاصيل إللى فالماتش من قرارات بتقولك اللي بيحصل ده مصيبة. ويقولك ساند الحكام محتاجين دعمكم».

وزاد: «الناس بتشتغل بأهوائهم والله بالدويين اللي فيهم. مش هتكلم على ضربة الجزاء اللي من وحي الخيال، كنت أولي تحسب بتاعت الزمالك الشوط الأول الواضحة جدًا أو على المرتدة والوقت مخلصش الشوط الأول وبتصفر».

وتابع: «الوقت الضايع جه فيع جوليين الاحتفال فيهم 3 دقايق من 6 بتصفر والكرة هجمة على الـ 18 بعد 10 ثواني هو أنت مستعجل ليه وحكم الڤار بردو اللي كل أسبوع بيلعب ماتشات ده كمان وطبعًا عارفين ليه».

وأتم: «والله مفيش فايدة وكلامي ده بقوله لمسؤول لجنة الحكام اللي قالي انهاردة محتاجين شوية وقت بس».