مواهب: هبة أيمن رسامة تحلم أن تكون مصممة أزياء

 هبه أيمن عيد طالبة جامعية عمرها 20 عاما من قرية برطباط مغاغة المنيا تحب الرسم والالوان وحياكة الملابس والتصميم 

تقول: من وانا في ابتدائي، شجعتني مدرسة الرسم وده خلاني أطور من نفسي، بعدها أحضر مدرس لي في رابعة ابتدائي علبة ألوان هدية، فرحت بيها جدا ودخلت مسابقات كتيرة كنت أفوز فيها بالمركز الأول.

هذا العام فقط حصلت على عضوية في قصر ثقافة مغاغة والمنيا، بالنسبة للخياطة وتصميم اللبس يعود الفضل فيه لأمي، من وانا صغيرة كنت بافصل لبس للعرايس،  لحد مابقيت بعمل لبس لنفسي وكان بيعجب كل اللي بيشوفني، بقالي تلات سنين بعمل لبس تفصل ذي الجاهز بالظبط .

كنت بحلم ادخل كلية فنون جميلة بس محصلش نصيب بسبب مجموعي ف الثانوية العامة و قررت اني هقدر اطلع مصممة أزياء او مهندسة ديكور ، بالفعل اخدت كورس بعد امتحانات الثانوية العامة وقدمت ع امتحان القدرات لتربية فنية المنيا وبفضل ربنا نجحت ف امتحان القدرات و اديني مستنية التنسيق واتمنى من ربنا اني ادخل كلية تربية فنية.