من كواليس مسرحية "شارع محمد علي"، تتكشف خبايا إنسانية لهشام سليم وشيريهان

تتوالى ذكريات الوسط الفني حول الفنان الراحل هشام سليم، والذي احتل مكانة كبيرة في قلوب المصريين وفي قلوب زملائه من الوسط، فلقد كتبت الفنانة نشوى مصطفى عبر حسابها الخاص على موقع فيسبوك، قائلة "افتكرت حاجة عن هشام سليم يمكن مش كتير يعرفوها، في يوم راجعة من التصوير وكان فيها استاذة ممثلة كبيرة الله يرحمها اسمها ثريا إبراهيم، قالت لى نشوى معنديش عربية توصلينى في طريقك لأقرب مكان أنزل اخد تاكسي، فقلت لها تاكسى إزاي حوصل حضرتك لباب البيت".

وتابعت نشوى: "واحنا ماشيين قالت لى عارفة الشقة اللي حتوصلينى ليها دى مين جابهالي، قلت لها مين؟، قالت لي: شيريهان، وحكت لي إنها كانت بتشتغل معاها مسرحية شارع محمد على، وكانت بتيجي كل يوم من طنطا للقاهرة وترجع تاني لأن بيتها كان هناك، ولما شريهان عرفت قالت لها شوفي الشقة اللي تحبيها وانا حاشتريهالك، ولما اشترتها كانت فرحانة أوي".

 وواصلت: "لما هشام عرف بارك لها وقال لها فرشتيها ولا لسه، قالت له فرشتها، قال لها كان نفسى أفرشهالك"

وأضافت نشوى: "قالت له وهى بتهزر طيب ما تعمل حاجة تانية قال لها تحت أمرك، قالت له نفسى أحج، تانى يوم لقت شركة سياحة بتكلمها وبلغتها أن هشام دفع كامل التكلفة وكانت 50 ألف جنيه، وهي رايحة عطاها مصروف الرحلة وقال لها ادعى لى".

يذكر أن الفنان الراحل هشام سليم شيع جثمانه أمس من مسجد الشرطة بالشيخ زايد، وسط حضور فني كبير بعد وفاته صباح أمس، إثر معاناته مع مرض السرطان.