كلام والسلام| يامطرة رخي رخي

لن أحدثك عن المطر الذى اغرق مناطق بالقاهرة؛ مثل مدينة نصر ومصر الجديدة والتجمع وهلم جرا؛ ولا عن الانفاق التى سدت من كثافة المطر؛ ولا عن الناس التى راحت صعقا باكهرباء التى اختلطت بالمطر؛ ولا عن شبكة الصرف الصحى اللى اتعملت من عام ١٩١٤؛ يعنى مع اندلاع الحرب العالمية الاولى! ولا عن الـ ٣٠٠ مليار جنيه اللازمة لانشاء شبكة صرف صحى زى ما الكتاب بيقول؛ واللى مدارسنا ومستشفياتنا أولى بيها؟ ولا عن الشتا اللى لسه ما ابتداش واحنا بنتكلم عن ٦٥٠ الف متر مكعب من المية؛ جعلتنا فى حيص بيص؟ ولكننى يمكن عن احدثك عن الهبوط الارضى الذى حدث فى طريق يفترض انه لم يمض على انشائه إلا اقل من عامين فقط؛ هو الطريق الاقليمى؟ وعن البالوعات التى سدها اهل الشر فى عام ما لعرقلة الجهود لمعالجة آثار الأمطار! وعن فساد المحليات ساحدثك بلا حرج؛ وعن المليارات التى تصرف لإصلاح البنية التحتية، ساحدثك لساعات ولن نصل أنا وأنت  لشىء؛ اللهم إلا إننا لسه بنبتدى وإننا لسه بدرى علينا قوى! وأننا ماضون فى الطريق رغم أهل الشر والمتربصين والحاقدين فى الداخل والخارج؛ وأصحاب الأجندات من بتوع الكنتاكى والجبنة النستو! وأصحاب المؤامرات اللى مستنيين مصر تقع بفارغ الصبر؟! 

واجهوا أنفسكم واعترفوا ولو مرة، بأن العيب فيكم وفى حبايبكم؛ أما الشعب فله الله. 
------------------
بقلم : خالد حمزة