فيفي عبده عن حب الناس لها:" أنا هتجنن ليه بيحبوني الحب ده كله؟"

كشفت الفنانة فيفي عبده، عن سر حب الجمهور لها، مؤكدة أن جمهورها من جميع الأعمار حتى أن لها جماهيرية بين الأطفال، بجانب الحديث عن موسم الرياض.

وقالت فيفي عبده، خلال حوارها في برنامج صباح العربية: "سر حب الناس ليا هو التجارة مع الله، وده حب من الله وحب أمي وأبويا وأنا طول عمري تحت جزمتهم، وكل الناس بتحبني حتى الأطفال، وعندي حفيدي سنتين ونص مش بيقول غير عاوز فيفي عبده ويمسك الصورة ويبوسها، أنا هتجنن نفسي أعرف ليه بيحبوني الحب ده كله؟ أي بيت متفق على حب فيفي عبده، وسعادتي لا توصف وأنا بشوف الأطفال جايين يجروا عليا وعاملين علامة الـ 5"

يذكر أن فيفي عبده شاركت في دراما رمضان 2022 بمسلسل "شغل في العالي"، مسلسل شغل في العالي من بطولة شيرين رضا وفيفي عبده ومروان يونس، بجانب عدد من ضيوف الشرف من بينهم بيومي فؤاد، ونضال الشافعي، ونجم كرة القدم ميدو، والعمل من إخراج مرقس عادل وتأليف حسين مصطفي محرم.