فيديو .. الأنبا يؤانس يحض على استقبال الرئيس في نيويورك:"أتوبيسين ولافتات نصورهم كأنهم 10 أتوبيسات"

في مقطع مصور تداوله نشطاء على موقع التواصل الاجتماعي "فيسبوك"، حض الأنبا يؤانس من داخل كنيسة الشهيد مار جرجس بولاية نيو جيرسي على استقبال الرئيس السيسي لدى زيارته إلى نيويورك للمشاركة في اجتماعات الجمعية العامة للأمم المتحدة.
 وقال الأنبا يؤانس : "علشان خاطر ربنا، وعلشان خاطر الكنيسة، وعلشان خاطر أهلكم، تطلعوا تستقبلوا الرئيس السيسي... إحنا هانطلع نستقبل الرئيس 3 مرات، أيام الجمعة والأحد والثلاثاء". وأضاف: "بكرة شغل، وهانوفر الأتوبيسات ببلاش الساعة الثالثة والنصف... وتروحوا حتى تغيروا جو، وتشوفوا نيويورك بدل نيوجيرسي... وهانجيب لكم ساندويتشات وعصير وحاجة ساقعة... المهم يا حبايب تروحوا بكرة، وتقولوا حمد لله على السلامة، و(باي باي)... ويوم الأحد نفس الحكاية". 

وزاد بالقول: "إحنا هانتقابل يوم الأحد في الاجتماع العام في الكنيسة... ويوم السبت نصلي المذبحة مع بعض... وإحنا عاوزين أتوبيسين بكرة بس كفاية... أتوبيسين مع شوية لافتات كده، وربنا يبارك فيهم... ولما يتصور الأتوبيسين هايظهروا كأنهم 10 أتوبيسات".