فيديو .. احمد كامل: مينفعش أكون نقيب الموسيقيين.. والوسط الفني مافيهوش صاحب

كشف الفنان أحمد كامل، عن الصعوبات في الوسط الفني وعن المطرب المفضل بالنسبة له، وسر رفضه الغناء مع مطربي المهرجانات.

وقال أحمد كامل، خلال لقائه مع الإعلامي هشام السيوفي على رؤيا مصر، ان الصعوبات في الوسط الفني سببها إن نصفه او 90% منه أشرار إذا مكانش 100% ولكن الفنان حمادة هلال طيب جداً وبحبه بشكل غير طبيعي.

وتحدث عن المطرب المفضل بالنسبة له والأقرب لقلبه قائلا: طبعا محمد منير ومقدرش احطه في مقارنة مع حد لانه لا يقارن وبحبه جداً ونفسي اغني معاه اغنية دويتو وبعدها ممكن مغنيش تاني وبالنسبة لي هكون قفلت اللعبة.

وعن سر رفضه للغناء مع مطربي المهرجانات، قال: عشان حاسس إننا هنبقى عملنا مسخ مينفعش تعمل تورتة بالرنجة.

وكشف سر تصريحه "لو بقيت نقيب الموسيقيين هشطب نفسي من النقابة"، قائلاً: اولاً أنا مش هينفع أبقى نقيب الموسيقيين لأني هلعب مع صحابي هشطبهم وأرجعهم تاني، ووقت ما قولت التصريح ده كنت محاط بمجموعة من بالأشرار وكنت عايز اريح دماغي، لأني بشتغل شغلانة ملعونة وبحاول دايماً أكون سوي بأكتر الطرق، ومفيش صحاب في الشغلانة دي.

https://www.facebook.com/share/r/RKKaNbMyEybNyMDR/?mibextid=14AR8G