في قعدة ستات تحذير لحسام حبيب :"هيتعمل فيك، وهيتقال عليك، انت غلطان إنك وافقت ترجع"

لا تزال الفنانة شيرين عبد الوهاب تثير جدلا واسعا في مصر والعالم العربي، فبعد إعلانها العودة لطليقها حسام حبيب، توالت الانتقادات عليها، وفي "قعدة ستات" البرنامج المذاع على شاشة "القاهرة اليوم" هاجمت الإعلامية مروة صبري، شيرين عبد الوهاب لعودتها لطليقها رسميًا، عقب خروجها من المستشفى مؤخرًا، وفقدان تعاطف الجمهور معها.

ووجهت صبري رسالة للفنان حسام حبيب قائلة: أعتقد بعد اللي حصل ده كله حسام حبيب مظلوم، وبقوله أنت اللي غلطان إنك وافقت ترجع ، وإنت حر في اللي هيتعمل فيك، استحمل إما هيتقال عليك نصبت عليها وبهدلت حياتها وضربتها وضربت بناتها، وحصل فيك كده مرة واتنين وتلاته وأربعة وفي الآخر رجعت، الصراحة أنا مستغرباك.

وتابعت قائلة : "الإفية الأعلى أبو حسام حبيب، بالمناسبة هو رافض يعمل مداخلات مع أي حد، وبيلعب على السوشيال ميديا، ومن اسبوعين بيقوله إنت تربية ست، وخدت مني مليون ونص، وإنت مش عارف بتعمل إيه ودمرت حياة شيرين، وحسام طلع قال شرف إني تربية ست".

وأضافت : شوفوا انهاردة قال إيه والد حسام حبيب، مبروك ليهم رجوعهم، وأتمنى إنكوا تجبولي حفيد بسرعة، أنتوا اللي ردوا، أنتوا بتستخفوا بعقل الجمهور، يا عم خليك بعيد، ما كنت رافض شيرين، دلوقتي إنت فرحان وهاتولي حفيدة وبتحب شيرين.

وأختتمت مروة صبري حديثها موجهة رسالة قاسية للفنانة شيرين عبد الوهاب وزوجها حسام حبيب، قائلة: أنتوا كده بتلعبوا الكورة بالجمهور، الجمهور كله مشي تبع شيرين لو حبيته هيحبوه ولو كرهته هيكرهوه، وإزاي نصدقك، وفين مصداقية شيرين، وكل يوم طالعة بتصريح وتشتمي فيه، ومع ذلك لو في بينكوا مشاكل الدنيا والآخرى، إحنا كل اللي يهمنا منك فنك فقط، والتدخل الزائد في المشاكل الشخصية بقى بايخ؟.