عجاجيات| القلب فى الاغنية المصرية(٥)

اصارحكم اننى من محبى بل من عشاق الشاعر الكبير عبدالفتاح مصطفى ...اعشق تعبيراته البسيطة العميقة فى آن واحد وأرتوى من حسه الصوفى الرفيع الذى ظهر واضحا جليه فى أدعيته التى غناها عبدالحليم حافظ وفى أغانى فيلم الشيماء التى شدت بها سعاد محمد ..بل ان هذا الحس والنفس الصوفى يظهر أيضا فى بعض الكلمات التى غنتها له ام كلثوم ويراها البعض تعبيرا عن أعلى درجات الحب الإلهى.. ولعل ذلك يظهر بوضوح فى رائعة عبدالفتاح مصطفى وثومة والسنباطى (اقولك ايه عن الشوق يا حبيى) والتى يقول فى مطلعها:

اقولك ايه عن الشوق يا حبيبى

اقولك ايه ومن غيرك دارى بى

ليالى فى هواك اسهر وافكر

ومهما قلت لك فى القلب أكتر

شوية انى اقولك يا حبيبى

ياريت فيه كلمة اكتر من حبيبى

اقولك ايه وايه يوصف هوايا

وانا فى قلبى كلام ما لوش نهاية

دى اجمل كلمة فى الدنيا حبيبى

بقولها لك وبرضه مش كفاية

الى ان يقول عبدالفتاح مصطفى:

وعودك فى الخيال غالية عليا

وأجمل من حقيقة بين ايديا

واصدق كل كلمة قلتهالى

وأكدب فى هواك نفسى وعنيا

ياريت فى كلمة اوصف بها حبك

واقولها لك ما بين قلبى وقلبك

ما يقدرش الكلام يوصف غرامى

ولا اشواقى فى بعدك وقربك

واقولك ايه

وشدت ثومة باغنية (توبة) التى يقول عبدالفتاح مصطفى فيها:

تائب تجرى دموعى ندما

يا لقلبى من دموع الندم

ليتنى ذبت حياء كلما

جدد العفو عطاء المنعم

عانق الشيطان فى صدرى الملاك

وتحيرت بهذا وبذاك

ثم صاح الوهم قلب وهواك

سبح الإثم بأمرى فارتمى

حاضرى يمسح جرح الالم

وحتى يقول :

يا الهى شاقنى هذا الوجود

تلك دنياك فما بال الخلود

عز قدرى بك فى ذل السجود

أنت ان ترضى كفانى مغنما

ليس بعد الله من مغنم

ونجد القلب حاضرا بقوة فى اغنية(لسه فاكر) والتى يقول عبدالفتاح مصطفى فى مطلعها:

لسه فاكر قلبى يديلك امان

واللا فاكر كلمة ح تعيد اللى كان

ولا نظرة توصل الشوق بالحنان

لما تسألنى اقولك كان زمان

لسه فاكر

كانت الايام فى قلبى دموع بتجرى

وانت تحلى لك دموعى وهى عمرى

ويضيف:

ياما حليت لك اهات قلبى وهى

من قساوتك انت والايام على

كنت تسمعها نغم واسمع صداها

نار تدوب حبنا شوية شوية

النغم رجعت حلاوته

لقلبى وفضل لك قساوته

والهوى اللى بان عليا

ابتديت تعرف غلاوته

النهارده الحب سيرة كان وكان

لما تسألنى اقولك كان زمان

وفى رائعة ثومة(لا يا حبيبى) يحلق عبدالفتاح مصطفى فى سماء الابداع قائلا:

ليلى نهارى فكرى بيك مشغول

وحياتى لك وحدك ولك على طول

ولسه بتصدق حسود وعزول

قالوا لك الغيرة تزود حبى

وبالدموع والحيرة تملك قلبى

لا يا حبيبى

بالحب وحده انت غالى عليا

بالحب وحده انت ضى عينيا

بالحب وحده وهو وحده شوية

لا   يا     حبيبى

ويمضى  فى شرح حقيقة الحب الى ان يقول:

بالحب انا سلمت قلبى اليك

بالحب وحده مش بغيرتى عليك

تلك بعض إبداعات عبدالفتاح مصطفى التى أبدعت ثومة فى إيصال معانيها وأحاسيسها للمستمعين مع الألحان العبقرية لرياض السنباطى

فى الحلقة القادمة نقتطف من كل بستان زهرة فى حدائق أم كلثوم التى تعج بالمبدعين
--------------------------
بقلم: عبدالغني عجاج

الحلقة الأولى

الحلقة الثانية.

الحلقة الثالثة

الحلقة الرابعة