سميرة سعيد تطرح أغنية جديدة بعنوان "إنسان آلي"

طرحت الديفا سميرة سعيد عبر قناتها الرسمية بموقع يوتيوب أحدث أغانيها "إنسان آلي" والتي تتعاون فيها مع الشاعر الغنائي شادي نور، والملحن بلال سرور، والموزع الموسيقي هاني ربيع، وتقول كلمات الأغنية:

طول الوقت ببقى تحت ضغط
و Stress عالي
متوترة ومتنشنة
ما بقتش أحس بأي لحظة حلوة عايشة فيها مالي
إنسان آلي اتحولت أنا

يا حفوق دلوقتي حالًا وأنقذ نفسي
من كل اللي أنا فيه
و أشوف مشاكلي إيه
يا إما حانتهي
لازم أفوق دلوقتي حالاً
يا حسيب كل اللي فاضل يطير
طب هو فاضل كتير
أيوة فاضل كتير

عقرب الثواني دقاته بقت مجنناني
آه يا وداني حاجة متعبة
الثانية اللي بتعدي لو راحت
ما بترجعش تاني .. حقيقة مرعبة
عمال أشيل نفسي حاجات فوق طاقتي واحتمالي
ما خدتش بالي فات كم سنة
طول الوقت ببقى تحت ضغط
و Stress عالي
متوترة ومتنشنة
ما بقتش أحس بأي لحظة حلوة عايشة فيها مالي
إنسان آلي اتحولت أنا

يا حفوق دلوقتي حالًا وأنقذ نفسي
من كل اللي أنا فيه
و أشوف مشاكلي إيه
يا إما حانتهي
لازم أفوق دلوقتي حالاً
يا حسيب كل اللي فاضل يطير
طب هو فاضل كتير
أيوة فاضل كتير

وكانت سميرة سعيد شوقت جمهورها لقرب طرح أغنية "إنسان آلي" من خلال نشر برومو الأغنية، وكتبت معلقة عليه: "أخيرا أغنية إنسان آلي.. أغنية تلخص ما بداخلي وداخل كل إنسان يعيش في هذا العالم المتوتر الملىء بالصخب والصوت العالى والتكنولوجيا الحديثة التى تحاصرنا وتجعلنا نشتاق الى الهدوء وحياة الزمن الجميل.. ترقبوها قريبا".