تحذير شديد من الرئيس السيسي: ممكن الدولة تتهد بـ2 مليار جنيه.. باكته وشريط ترامادول وألف جنيه لـ100 ألف

الرئيس: من يفهمون الأمن القومي لن يستكثروا 85 مليار جنيه على مشروعات لإسكان قاطني العشوائيات

وجه الرئيس عبدالفتاح السيسي، تحذيرا شديدا من محاولات هدم مصر. وقال إنه تحدث مع مجلس القضاء الأعلى صباح اليوم، عن سهولة هدم الدول مقابل المبالغ الطائلة التي يتم بها البناء. وقال الرئيس: "أنا كنت بكلم السادة مجلس القضاء الأعلى الصبح وقلتهم تخيلوا ممكن أهد مصر بـ 2 مليار جنيه، وهما استغربوا جدا، قلتلهم أدي باكتة و20 جنيه وشريط ترامادول لـ100 ألف إنسان ظروفه صعبة، أنزله يعمل حالة . أنا مش هاديله بقا 20 هاديله 1000 جنيه ، الـ 100 ألف يبقوا بكام؟ بميت مليون جنيه، ينزلوا 10 أسابيع بكام؟ بمليار جنيه . طيب لو إديتهم 100 جنيه بس؟ أنزل مليون كل أسبوع لمدة 10 أسابيع بمليار جنيه، أهد بلد فيها 100 مليون أو 105 مليون بمليار جنيه. يعني 30 مليون دولار الناس بتصرفهم في حفلة!". وأضاف الرئيس السيسي، في ختام جلسة "المشروعات القومية والبنية التحتية" ضمن فعاليات اليوم الثاني لمؤتمر"حكاية وطن.. بين الرؤية والإنجاز": "يبقى لما أجي أدفع 85 مليارًا للأسرة إللي هيا مش حاسة إنها عايشة والناس مرمية في الصفيح في الشوارع وفي المقابر، فحد يقولك البلد اللي مش لاقية تاكل تفرشلهم الشقة كمان؟ طبعًا، إذا كنا بنفهم كلنا يعني إيه أمن قومي مش هتستكتروا اللي إحنا بنعمله ده وأكتر منه.. إحنا تعبانين كده ومش معانا نعمل كده؟ أيوه، علشان مايبقاش عندك ثغرة يتم استخدامها في نظم الحرب الحديثة في هدم الدول، ماحدش هيهاجمك من برة مش بس لأن تبعاته مكلفة اقتصاديا وماليا وعسكريا، لكن حتى من منظور القانون الدولي، والنظام العالمي اللي موجود، لكن انت بلدك الناس قايمة عندك بتتحرك ، طيب هنعمل لكم إيه؟ حلوا مشاكلكم مع الناس بتوعكم. الناس بتتظاهر وأنا بمليار جنيه أنزل 100 ألف 10 أسابيع ورا بعض ، زي مانزلتهم - مش أنا بقى - زي ما نزلوهم ".

ما قاله الرئيس يأتي ضمن دفعة تصريحات مثيرة للجدل أدلى بها على هامش مؤتمر "حكاية وطن"، كان أبرزها عندما قال أمس السبت إن المصريين لديهم فرصة للتغيير في الانتخابات الرئاسية المقبلة المزمعة في ديسمبر  المقبل.

ورد السيسي على الانتقادات الموجهة إلى مشروعات حكومته، قائلا: "لو كان ثمن التقدم والازدهار للأمة متأكلش وماتشربش مناكلش ومانشربش... لو كان الجهد والتنمية والتقدم ثمنه الجوع والحرمان أوعوا يا مصريين متقدموش، وأوعوا يا مصريين تقولوا ناكل أحسن".

وقال الرئيس إن هناك "حالة من عدم الثقة" لدى المصريين تجاه ما تنفذه حكومته من مشروعات، موضحًا: "هناك أبواق كذب وافتراء وشائعات شغالة تقدح في كل إجراء ومسار تعمله... أنت مش محل تقدير اللي أنت بتعمل عشان خاطرهم، كمان وأنت بتعمل كده يتم الإساءة لك والإساءة لمسؤوليك وأسرهم".