باسم يوسف ساخرا: ظهوري على التليفزيون المصري بـ 22 مليون دولار!

على طريقته أعلن باسم يوسف عودة ظهوره على شاشات التليفزيون المصري.

قال باسم في تدوينة على صفحته بموقع فيس بوك : "طيب يا جماعة عشان الكلام كتير والإشاعات كتير. أنا زي ما شوفتوني أول مرة في أوضة الغسيل من مصر حتشوفوني تاني على شاشات التلفزيون المصري من أوضة الغسيل من لوس أنجلوس. حكون ضيف أحمد سالم في برنامج كلمة أخيرة عبر الأقمار الصناعية أو راوتر الإنترنت في حوار حصري يوم ٧ أكتوبر . حنتكلم عن رحلتي الكام سنة اللي فاتت وحنقول شوية حكايات لطيفة عن ماوراء الكواليس في كل الأخبار و اللقاءات اللي طلعت فيها. أسرار تنشر لاول مرة (او لتاني مرة عادي) ، اكشن ،دراما، مقاطع بلوتوث ساخنة. أما موضوع إني واخد ٢٢ مليون جنيه ده فبصراحة ده خبر عجيب جدا. يا ريت نتحرى الدقة. أنا واخد ٢٢ مليون دولار. عيب كده."