آية حجازي تكشف عن الجوانب الانسانية عند دينا الشربيني خلال لقائهما في السجن

كشفت الناشطة الحقوقية آية حجازي جانباً إنسانياً من حياة الفنانة دينا الشربيني خلال الفترة التي جمعتهما سوياً في السجن على خلفية اتهام دينا بتعاطي المواد المخدرة.

وقالت "كنت فعلا مترددة أكتب عنها، بس اعتقد ده واجبها علي، كمرأة وكإنسان وللبنات المنفسنة، مش عارفة ازاي الست ممكن تاخد حقها في العالم ده، لو أول ظالم ليها المرأة، من نجاح لنجاح يا دينا".

وقالت اية التي اصبحت تقيم في الولايات المتحدة منذ الافراج عنها: "دينا الشربيني، شخصية فعلا لطيفة ومحترمة واجتماعية. كانت معاملاتنا طفيفة واحنا محبوسين مع بعض في عنبر واحد واتناعشر، بس تعاملاتها مع الناس كلها كويسة جداً، واللي لمسني معاملتها مع بنت كانت طفلة شوارع، دينا ساعدتها بكل الأشكال، وساعتها البنت ورتني رسالة ليها دينا بتقولها انا معاكي ودي نمرتي كلميني اول ماتخرجي واخرج وممكن اوفرلك شغل معايا".

وأضافت حجازي "وكمان حاولت تشغل وقتها ووقت الناس بكورس تمثيل داخل السجن، لكن اتغير رئيس المباحث على طول ولغاه، وكمان كانت من الناس النادرة اللي بتخرج وتفتكر صحابها وتيجي تزورهم في السجن وتجيبلهم زيارات، هي دي الفنانات اللي أحب اتفرج عليهم، مش ناس بلاستيك بنتفرج على شكلهم وننسى فنهم أو هم مين".