فيديو.. طالبة ثانوي تروى تفاصيل تحرش أحد المدرسين بها

كتب - المشهد

في واقعة هي الأغرب، تعرضت فتاة بالصف الثانوي وتدعى "يارا" إلى التحرش من أحد المدرسين، وقامت "يارا" بالتسجيل للمدرس وهو يحاول استدراجها إلى منزله أو كافيه.

تقول "يارا"، في تقرير لبرنامج "العاشرة مساء" على فضائية "دريم2": "كنت في البيت وجالي مكالمة من المستر، قالي أنا شوفتك بالزي المدرسي وأنتي برة، وعاوزك عشان أشوف بتزوغي ليه، وبعد مروحت المدرسة ثاني يوم طلبني خارج الفصل وقال لي أنا شوفتك بس أنا هحللك المشكلة بس أنا عاوز الحلاوة أنا هشوفك في كافية أو تجيلي الشقة".

ويضيف والد "يارا": "بنتى قالتي مدرسي قالي تقابليني في شقتي، روحت لمديرة المدرسة، ووعدتي بأنها ستقوم بنقل المدرس ومجازاته، بس للأسف محصلش حاجة، والمدرس موجود في المدرسة، والأسوأ إن حالات تتعرض للتحرش من هذا المدرس بعد واقعة ابنتي، هو أنا باعت بنتى المدرسة عشان تتعلم مش عشان يتعرضوا للتحرش، نعمل أيه نقعدهم في البيت".

وتابعت والدة "يارا": "أنا خايفة على بنتي أوديها المدرسة، مديرة المدرسة تتستر على المدرس".