خلصت الحكاية.. مرتضى منصور يعلن رحيله عن ميت عقبة

أعلن مرتضى منصور رحيله عن نادي الزمالك وخروجه تماماً من المشهد الرياضي ، وذلك بعد الأزمات الأخيره التي ضربت الفريق الفتره الماضيه.

وقال مرتضى منصور في تصريحات عبر فيديو بثه على صفحته الرسمية " الوضع في الزمالك صعب ، انا عندي ثقه في لعيبه الزمالك انهم يكسبوا النصر بكره ، عندي احساس ان ربنا هيوفقهم ان شاء الله "

وواصل ”بقول للجمهور فى السعوديه يروح ويدعمهم ،ربنا لو كرمنا بكره هنبقى عدينا مرحله المجموعات واحنا اتكلمنا قبل كده عن الحكم خلاص ، وزياره حاكم الطائف امبارح رد اعتبار لينا بسبب المذيع اللي مكنش محايد واساء للزمالك "

وشدد جماهير الزمالك من حقها تفرح ، وعشان تفرح لازم يبقى فيه بطولات وعشان يبقى فيه بطولات لازم لعيبه هما مش فارق معاهم ممدوح عباس ومرتضى ، انا خدت قرار وبقول لممدوح عباس قصاد مصر كلها ، الخناقه بيني وبينك خلاص ، انا مشيت خلاص وهرجع مشجع درجه تالته ، وامير مرتضى مشي من شهرين ورافض يرجع وهيسلم العقود لاي حد يبقى مسئول عنهم “.

وأكمل احمد بيخلص احسن لعيب في مصر خلاص ولو عاوز يكمل او ميكملش ده قراره انا ولادي عندهم شخصيه ، انا بقوله قصاد مصر كلها انا خارج المشهد ، ارفع الحجز عن الارصده

وتابع انا سايب النادي فيه ٢١ مليون جنيه ، ابعتوا جزء لاتشيمبونج وجزء للمدير الفني ،انا سايب النادي ومتنازلتش عن دولار واحد من الغرامه واخر معاد بكره ولو مدفعش هيتوقف ، هيدفع هيبقى فيه فلوس كتيره تفك ازمه ماليه وندفع مرتبات اللعيبه”.

وأردف الانتخابات هتتفتح يوم ٣١ اكتوبر واللي بيحب النادي ينزل الانتخابات ، انا بشوف النادي بينهار دلوقت ، انا خلاص مشيت ياعم فك الحجز بقى

وأتم انا صعقت بكم المبالغ الي على الزمالك علشان اقيد القايمه الأوليه . انا خارج المشهد من بعد ماتش بكره ، وبعد الماتش انا مسافر .لو بتحب النادي وبتحب الكيان ارفع الحجز عن الزمالك