بالتفاصيل والأسباب، محمد صبحي يعلن عن الجزء التاسع من "يوميات ونيس"

"هل الجيل الجديد اللي عايش النهاردة هل هو مظلوم ومفترى عليه وأحنا اللي غلط ولا العكس" هذا هو الهدف من وراء تقديم الفنان محمد صبحي للجزء التاسع من مسلسل "يوميات ونيس".

وأوضح صبحي أنه تم البدء في التحضير للجزء التاسع من المسلسل، وأضاف خلال لقائه في برنامج "الراديو بيضحك" عبر إذاعة "الراديو 9090": "اقوم بعمل اتصالات لأني أحضر للجزء التاسع من يوميات ونيس، كنت واخد قرار أني مقدمش، لكن عاوز أقدم هل الجيل الجديد اللي عايش النهاردة هل هو مظلوم ومفترى عليه وأحنا اللي غلط ولا العكس"  

وتابع: "الجزء التاسع فيه محاكمة لـ"ونيس" تاني، أولاده حاكموه في الجزء السادس لما قالوله أنت ربتنا غلط، بقت أزمة بقابل شباب في الجامعة يقولولي أنا متربي ومش عارف أتعامل مع الكذابين والمنافقين، في شباب بيخجل لأن عندهم أخلاق وأصدقائهم بيسخروا منهم."

وأكمل: ولاد "ونيس" وحشوني وأتغيروا ولازم دا يتشاف ويتعالج أثناء الكتابة، وإن شاء الله نبدأ قريب وأتمنى يبقى فيه قنوات تتخانق مين يعمله مش يعتذروا.

ويذكر أن مسلسل "يوميات ونيس" قُدم منه 8 أجزاء، تم عرض الجزء الأول منه عام 1994، والأخير في 2013.

الجزء الثامن من يوميات ونيس حمل اسم ونيس والعباد وأحوال البلاد وعرض عام 2013

وشارك في بطولة الجزء الأول كل من محمد صبحي وسعاد نصر وجميل راتب وعبد الله مشرف وسامح الشجيع وهدى هاني وهادي خفاجي وريم أحمد ومن تأليف مهدي يوسف ومحمد صبحي وإخراج أحمد بدر الدين ومحمد صبحي.