إبداعات | أمي .. قصيدة حجاج فراج

انا لما أبويا مات 

كانت أمي أب و أم

كان قلبها الكبير

بيحتوي و يضم

و عمرها في حياتها

ما شيلتنا الهم

و علمتنا رغم أنها

مالهاش نصيب م العلم

أمي كانت ست

لكن بميت راجل

في أي شده تسد

بتعافر و بتناضل

بالخير أيديها تمد

للقادر و للعاطل

و حنانها ملهوش حد 

للشبعان و للسائل

أنا لما أبويا مات

كانت أمي في الثلاثين

و كنا ست أخوات

أكبرنا أصغر م العشرين

وأمي صابره في سكات

من غير شكوي و أنين

يا أماي جبتي الإراده

و العزة يا أمه منين

أمي كانت جبل

لا بيتهز ولا بيميل

يطلع عليه النهار

و عليه يحل الليل

و أمي ثابته و أصيله

رغم الصعاب و الويل

أمي كانت ست

في الكون ما ليها مثيل

سبتك يا أمي في أيد

رب غفور و رحيم

هو  العالم بصبرك

و بتعبك يا أمي عليم

قدر علينا الموت

لكنه رب كريم

رحتي لرحابه يا امه

بقلب أبيض سليم
-------------------
قصيدة: حجاج فراج